تسجيل جديد

لكل رفيفاتي في الكفاح المسلح ض

اخواتي فالكفاح هانا جبت ليكم اليوم واحد السلاح اخرلمحاربة الكيلويات اللي لاصقانا وما باغية تفارقنا واعدت الحبيبة ديالي tazaghine برجيم اخر للتنويع وهانا كنوغي بوعدي ليها ونتمنى نفيدها ونفيد جميع

الحمية و الرشاقة و الرجيم>لكل رفيفاتي في الكفاح المسلح ض
samira 10:51 AM 09-24-2012
لكل رفيفاتي في الكفاح المسلح ض

اخواتي فالكفاح هانا جبت ليكم اليوم واحد السلاح اخرلمحاربة الكيلويات اللي لاصقانا وما باغية تفارقنا
واعدت الحبيبة ديالي tazaghine برجيم اخر للتنويع وهانا كنوغي بوعدي ليها ونتمنى نفيدها ونفيد جميع الاخوات
نبدا بشرح طريقة تحضير 3وصفات درتهم فهاد الرجيم
1 ديسير كومبوت التفاح
هتاخدي اي كمية بغيتي ديال التفاح وتقشريها وتقطعيها جوانح رقيقة ثم ديريها فشي كاسرونة و زيدي الما غير شوية وشعلي البوطة وخليها تطيب ولاتنسايهاش من التحريك باش ما تحرقش وفينما خاصها الما زيديه وملي تطيب مزيان طحنيها( ممكن اضافة رشة من السكر والقرفة للتنكيه) وحطيها فالثلاجة تبرد عاد تناوليها كديسير
2 خبيزات الشوفلور و البروكولي و الجزر
كنبخرووهم ثم نمعسوهم ونديروهم خبيزات صغاااار ونحطوهم فالمجمد وقتما بغينا ناخدو 2خبيزات نسخنو معلقة زيت فمقلة ونحمروهم شوية باش يجيو بنان
3شوربة الخضر
كلشي كيعرف يصاوب الشوربة او الصوبة
ممكن تديرو اي خضر بغيتو باستتناء البطاطا و الجلبانة وماتكثروش من الجزروما تديروش مكعب البنة كنطيبوهم فماء فيه قليل من الملح وباقي التوابل لكن باعتدال ونشربوها مهم نشربوها بالماء اللي طابت فيه

دابا ندوز للرجيم

اليوم الاول
الفطور تابث طوال الاسبوع
2قطع خبز رجيم او خبز دقيق القمح محمر+مسحة زبدة او مسحة مربى لايت+كوب حليب+فاكهة (برتقال او كيوي او اناناس نذكركم بان الاناناس حارق للدهون )
الغذاء
سمك فالفرن نختارو نوع مافيهش دهن كثير+سلطة خضراء+فاكهة (الموز لا )
العشاء
شوربة خضر +تفاحة
اليوم الثاني
الغذاء
100غ دجاج منزوع الجلد مرقد فشوية الحامض و الملح والكمون ومشوي+سلطة خيار و طماطم+فاكهة
العشاء
سلطة فواكه (تفاح +كيوي+انانا س مقطعين وخلوطين بياغورت بدون سكر)
اليوم الثالث
الغذاء
سلطة الارز بالتونة +كومبوت التفاح (ناكلو منها 2معالق كبار لاغير)
العشاء
2بيضات مسلوقين+ياغورت بدون سكر
اليوم الرابع
الغذاء
100غ كفتة بلا شحمة مشوية+خبيزات الشوفلور و البروكولي و الجزر+فاكهة
العشاء
شوربة خضر متنوعة+تفاحة
اليوم الخامس
الغذاء
سمك في الفرن+سلطة متنوعة (الذرة الجلبانة المايونيز الموتارد الكاتشاب ممنوووووع خل التفاح مسموووووح)
العشاء
سلطة فواكه
اليوم السادس
الغذاء
100غ لاداند مشوي+خضر مبخرة+فاكهة
العشاء
بيضة مسلوقة+ياغورت طبيعي
اليوم السابع
الغذاء
100غ كفتة بلا شحمة مشوية+خبيزات الشوفلور و البروكولي و الجزر+فاكهة
العشاء
شوربة خضر متنوعة+تفاحة
نتمنى نفيدكم بهاد الرجيم اللي صاوبت
انا كل اسبوع كنحاول نصاوب رجيم متوازن و كنكتبو فورقة بيضاء كبيرة ونستعمل الالوان هههه و كنلصقها فبيتي
هكذا كنتبع الورقة بلا ما نبقا نفكر كل ساعة شنو غاناكل
واي استفسار الغزالات هانا هنا








المصدر : المنتدى التعاضدي بالمغرب - من قسم : الحمية و الرشاقة و الرجيم



جديد قسم : الحمية و الرشاقة و الرجيم

Up

RSS RSS 2.0 XML MAP HTML