تسجيل جديد

شرح طريقة تعتيق الجدران بالصور

تعتيق الجدران هوا الأسم الذى أشاهده فى كل المنتديات نحن غالبا لا نستخدم هذا المصطلح فى مصر . الزبون عادة يقولى عايز شوية شغل إسبونيش فى الجدران . وبالتنظيم الذى

أعمال يدوية منزلية>شرح طريقة تعتيق الجدران بالصور
samira 10:07 AM 02-02-2012
الجدران , بالصور , تعتيق , طريقة

شرح طريقة تعتيق الجدران بالصور

تعتيق الجدران هوا الأسم الذى أشاهده فى كل المنتديات
نحن غالبا لا نستخدم هذا المصطلح فى مصر . الزبون عادة يقولى
عايز شوية شغل إسبونيش فى الجدران . وبالتنظيم الذى تراه مناسب
حسب فنك وخبرتك وذوقك . وانا بأعمل الازم حسب تصميمى لديكور
الشقة أو الفيلا . ........... المهم يا عم الحج التعتيق هوا إعطاء شكل
القدم على الأشياء . وكنا فى الفن والزخرفة نعمله على التماثيل من الجبس مثلا
فتعطيها شكل النحاس القديم أو الحجر أو الرخام القديم . يعنى زى كده .
يبقى تعتيق الجدران أهوا إعطائها شكل مخالف للألوان التقليدية
التعتيق يا حجنا بيتم بواسطة لونين لون بطانة ولون أغمق منه درجتين أو تلاته
وربما العكس . يعنى الدرجة الغامقة تحت والفاتحة فوق .
___________

أدوات العمل :
إسفنجة إسبونيش . أو رولة إسبونيش . أو رولة جينز ( بتعطى أشكال مرسومة على الرولة)
أوفوطة قطن مثل فوط التنظيف للسيارة والمطبخ .أو أفرخ ورق بلاستيك .أو مشط الأسبونيش
( بيعمل تجازيع وخطوط ) أو فوطة الأسبونيش ( من نوع من الجلدالمرن) أو الأطار الداخلى
لكاوتش الدراجة .
فرشة دهان مبططة ( مشط) + رولة دهان .+ حوض للرولة+ سطل أو دلو يعنى لوضع الدهان به
------------------
طريقة العمل :
سهلة قوى . بعد معجنة الحوائط ودهانها بوش بوية بطانة .بنحدد اللونين اللى هنشتغل بيهم
لون ندهنه عادى على الحائط واللون الآخر بشكل من الأشكال التالية فى الصور الآتية:

طريقة تعتيق الجدران بالصور pic.php?u=92RDb5G&am

ده بقى يا حجنا قطعة بلاستيك كورناها مع الحفاظ على التعرجات وخطوط النكسارات
فيها عشان تعطينا الشكل الذى تراه بالصورة حين ندق بها على الدهان وهوا على الحائط .


طريقة تعتيق الجدران بالصور pic.php?u=92RDb5G&am
وده بقى كيس به فقاعات هواء أو ممكن سيادتك تحط فيه ماء وتلفه كويس .وتدق بيه على الدهان وهوا رطب طبعا على الحائط . وطبعاً أنت شايف التآثير بتاعه .

طريقة تعتيق الجدران بالصور pic.php?u=92RDb5G&am
ده بقى المشط يا عم الحج. أنا شخصيا ما أحبوهوش . شكله مش عاطفى . إلا فى حالة
تقليد سمارة الخشب . بيبقى مفيد فى تقليد الجازيع الطبيعية .
طريقة تعتيق الجدران بالصور pic.php?u=92RDb5G&am

طريقة تعتيق الجدران بالصور pic.php?u=92RDb5G&am
بنخلط الألوان المطلوبة

طريقة تعتيق الجدران بالصور pic.php?u=92RDb5G&am
هنا بتغمس الرولة فى الدهان وبعدين نمشيها على الحوض عشان يصفى منها الدهان الزيادة

طريقة تعتيق الجدران بالصور pic.php?u=92RDb5G&am
بندهن بيها الحائط باللون المطلوب . وتلاحظ هنا أنه لاصق شريط على كونيشة السقف عشان ما تتوسخش . ولو كان متمكن ومحترف مثل أى عامل مصرى .كان استعمل الفرشة المشط فى التحديد وهوا بيدهن ....كويس برضك زيادة فى الحرص.

طريقة تعتيق الجدران بالصور pic.php?u=92RDb5G&am
خد بالك يا حجنا . شوفت بيعمل ايه؟
بفرد فرخ البلاستيك على الحائط . ...طيب وبعدين ؟؟؟؟؟؟؟؟؟؟؟؟؟

طريقة تعتيق الجدران بالصور pic.php?u=92RDb5G&am
هوا ده بقى بعدين . بيدق بالمشط على البلاستيك عشا ن التعاريج والأنكسارات والكرمشة تعمل شغل .

طريقة تعتيق الجدران بالصور pic.php?u=92RDb5G&am
بيد\هن جزء آخر من الحائط

طريقة تعتيق الجدران بالصور pic.php?u=92RDb5G&am

طريقة تعتيق الجدران بالصور pic.php?u=92RDb5G&am
بنزعه برفق وبالراحة .وشوف بقى التأثيرات اللى عملها

طريقة تعتيق الجدران بالصور pic.php?u=92RDb5G&am
الحجرة بعد ما أكتملت
-------------------
2- طريقة الفوطة:

طريقة تعتيق الجدران بالصور pic.php?u=92RDb5G&am

طريقة تعتيق الجدران بالصور pic.php?u=92RDb5G&am
بنزل الفوطة فى الدهان وهوا طالع بيعصرها وفى ذات الوقت بيبرم الفوطة يعنى بيلفها على بعضها طوليا.

طريقة تعتيق الجدران بالصور pic.php?u=92RDb5G&am
بينزل بيها على الحائط وهوا بيبرمها على خفيف عشان ما تنفك منه وتغير الشكل .


طريقة تعتيق الجدران بالصور pic.php?u=92RDb5G&am

طريقة تعتيق الجدران بالصور pic.php?u=92RDb5G&am
الحجرة بعد أن أكتملت
-----------------
طريقة الأسفنجة:

طريقة تعتيق الجدران بالصور pic.php?u=92RDb5G&am

طريقة تعتيق الجدران بالصور pic.php?u=92RDb5G&am
بيدهن الأسفنجة باللون المطلوب . أو أسهل له يضع بعض الدهان فى وعاء مثل حوض الرولة ويغمس الأسفتجة فيه كل ما يحتاج .

طريقة تعتيق الجدران بالصور pic.php?u=92RDb5G&am
وبيدق باللأسفنجة على الحائط دقات منتظمة لكى يكون تأثيرها منتظم ودرجة اللون واحدة فى كل الحائط .

طريقة تعتيق الجدران بالصور pic.php?u=92RDb5G&am
الحجرة بعد ما أكتملت.

المصدر : المنتدى التعاضدي بالمغرب - من قسم : أعمال يدوية منزلية



جديد قسم : أعمال يدوية منزلية

Up

RSS RSS 2.0 XML MAP HTML