تسجيل جديد

عمر زوربا , من هو عمر زوربا , معلومات عن عمر زوربا , السيرة الذاتية

عمر زوربا , من هو عمر زوربا , معلومات عن عمر زوربا , السيرة الذاتية الشباب الأردني كله رايح رحلة ومش عارف متى راجع' .. هكذا

العلوم التاريخية و الحضارية>عمر زوربا , من هو عمر زوربا , معلومات عن عمر زوربا , السيرة الذاتية
sara5 04:27 AM 08-01-2016
عمر , زوربا , من , هو , عمر , زوربا , معلومات , عن , عمر , زوربا , السيرة , الذاتية

عمر زوربا , من هو عمر زوربا , معلومات عن عمر زوربا , السيرة الذاتية



عمر زوربا , من هو عمر زوربا , معلومات عن عمر زوربا , السيرة الذاتية








الشباب الأردني كله رايح رحلة ومش عارف متى راجع' .. هكذا عبر الناشط الفيسبوكي الساخر عمر زوربا عن الوضع العام للشباب في المجتمع الأردني

عمر زوربا الأكثر متابعة من فئة الشباب عبر الموقع الاجتماعي فيسبوك، حيث بلغ عدد المتابعين على صفحته الشخصية 37 ألف متابع خلال خمسة أشهر فقط.

تحدث عمر خلال المقابلة عن حياته البسيطة التي قد تكون مشابهة بحياة أي شاب يعيش في المجتمع الأردني، وعن بداية اكتشافه لحب التعبير عمّا يجول بخاطره بأسلوب ساخر، وعن كيفية اختياره للمواضيع التي يطرحها على متابعيه عبر صفحته الخاصة على فيسبوك، بالإضافة إلى أسباب وصول عدد المتابعين له إلى 37 ألف متابع في غضون بضعة أشهر.

وفي التالي نص المقابلة التي أجرتها معه 'جراسا'، علما أنه تم نقل جميع اجاباته على الاسئلة باللهجة العامية دون تصرف منا بناء على طلبه:

لمن لا يعرف عمر زوربا.. من هو؟
'أنا شخص عادي شبه كل الناس، واقعي ما عندي تزييف وتمثيل، بس الناس شايفين فيا شخص مميز لأني بحكي عن وجعهم وواقعهم وشغلات عاشوها ومرت عليهم وبدهم يحكوها بس مش عارفين يحكوها، فالناس بشوفوا حالهم من خلال الأشياء إلي بكتبها، ويمكن أنا مرايه لكل واحد بده يحكي اشي ومش عارف يحكيه، اشي عاشه زمان أو بعيشه في الوقت الحاضر وأنا بترجم كل هالحالات في عبارات على الفيسبوك، وهالعبارات بتلمسهم وبحسوها قريبة منهم لأنها بتحكي عن إلي جواتهم بكل بساطة'.

كم عدد المتابعين لصفحتك الشخصية على الفيسبوك؟
'المشكلة انهم كل يوم بزيدو، يعني زي كأنك بتسألي الوليد بن طلال مصاريك كم! بس هو آخر رقم 37 ألف متابع'.

كيف اكتشفت أن لديك اسلوب ساخر في الكتابة؟
'قبل ظهور الفيسبوك كنت أخربش بالفحم على الحيطان في الحارة بكل اشي بحس فيه، و على كتبي في المدرسة كنت أكتب في الحواشي وفي أي فراغ بين الفقرات أو الفصول، وبعد ظهور الفيسبوك بلشت في البداية أكتب جمل بسيطة، وكانوا صحابي حابين إلي بكتبه لأنه بضحك، وبعد فترة بلشت ألاحظ إنه الأصدقاء عندي عالصفحة صاروا يزيدو، وكانت أغلب تعليقات الناس على إلي بكتبه انه انت واقعي بتحكي الواقع باسلوب بسيط'.







لماذا اتبعت الاسلوب الساخر في طرحك للمواضيع؟
'ليش أنا اذا بعاني من مشكلة أكتب عنها باسلوب نكد وأكبر المشكلة؟ لازم الواحد شوي يحاول ينسى المشكلة ويضحك عليها لأنها بتخفف من أثرها على نفسية البني آدم، وبنفس الوقت أنا مش كل اشي بكتبه بكون ساخر، حسب حالتي النفسية مرات بتكون الحالة أو الوضع بستدعي انه أكتب باسلوب جاد، زي الأوضاع إلي بتمر فيها القدس بكتب عنها بغضب وبوجع كل واحد عربي مسلم مقهور على إلي بصير مع أهلنا في القدس'.

ما هي أكثر المواضيع التي تناقشها مع المتابعين عبر صفحتك على فيسبوك؟
'كثير بكتب عن الماضي، الحياة زمان، وأيام المدرسة، الجيران، الأصدقاء، العيد، بالاضافة إلى نقد الأوضاع والمشاكل إلي بتعرضلها الشباب الأردني باسلوب كوميدي'.

ما هي أكثر الأسئلة التي يطرحها عليك المتابعون؟
يضحك: 'شو نوع الحشيش إلي بتستعمله؟ أو من وين بتجيب هالحكي؟ وهل المواقف إلي بتكتب عنها حقيقية أو من خيالك؟'.

لماذا تتجه الناس لمتابعة كل ما هو ساخر؟
'الناس بدور على إلي بضحكها وبنسيها مشاكلها والضغوطات إلي بتعرضولها خلال اليوم، الناس بتتعب من متابعة الأخبار والبلاوي إلي بتصيركل يوم في العالم، فبتصير تبحث عن اشي يسليها ويضحكها، وبنفس الوقت كل إلي أنا بكتبه حتى لو كان في قالب كوميدي بس بكون مضمونه عميق وله هدف وبناقش وبنتقد المشاكل أو الأوضاع إلي بتمرعلينا، فلا يعني انه الناس اذا بتضحك على كلامي يعني هو كلام سطحي أو تافه'.

عمر زوربا يمثل من؟
'أنا بمثل كل واحد بتابعني، كل واحد شايف إلي بكتبه بحكي عنه أكيد أن بمثله'.

ما هي وجهة نظر عائلتك بما تكتبه؟
'أهلي حابين الموضوع وخاصة إمي، وأنا بحرص انه إمي تقرأ كل اشي بكتبه وتعطيني رأيها فيه، وهي حابه محبة الناس إلي'.

لماذا تتجه في الأغلب إلى انتقاد الفتيات؟
'أنا مابحب في كل الناس وبالذات البنات التمثيل، وأتوقع انه البنات أشطر في التمثيل من الشباب، التمثيل انها تعيش شخصية مش شخصيتها لهدف معين أو وضع وظرف معين، البنت بتغير شخصيتها حسب المكان إلي بتتواجد فيه، وأنا بحب انه الواحد يضل بشخصيته وعلى طبيعته وين ما كان إن كان في الصين أو كان في صويلح'.

ما هي المواضيع التي تستفزك للكتابة؟
'كثير مواضيع، ومنها موضوع ملكة جمال الأردن، مش لأنها حلوة أو مش حلوة، بس فكرة مسابقة ملكة الجمال ما بتناسب مجتمعنا الشرقي وعاداته وتقاليده، واحنا شعب بنحب النقد وما بنعرف شو يعني نقد، يعني لو البنت حلوة حننتقدها ولو مش حلوة برضه حننتقدها، لأنه فكرة وجود ملكة جمال للأردن فكرة جديدة ودخيله على مجتمعنا الأردني.. وبتستفزني كمان المواضيع إلي ممكن تستفز أي شب أردني زي جرائم ال*** وحالات التسمم، لأنه طبيعي تستفز أي واحد وتخليه يدخل على صفحته على فيسبوك ويكتب عنها، بالاضافة إلى أي قصة ممكن أحس انه فيها حدا مظلوم وما عرف ياخد حقه'.

ما هو رأيك في العالم الافتراضي الذي يعيشه الشباب عبر مواقع التواصل الاجتماعي؟
'هو متنفس للشباب للتعبير عن حالهم وعن رأيهم وعن الظروف إلي بعيشوها، وهاي المواقع بتساعد على الاطلاع على الأخبار والأحداث أول بأول، لأنه الخبر بكون منشور بالصور وبالفيديو، وكمان مابنقدر ننكر انه هالمواقع ساعدت الناس على انشاء صداقات وعلاقات جديدة ومتنوعة، وزادت من تواصل الناس مع بعض بطريقة سهلة'.

من هو المتابع الذي لن تنساه؟
'في بنت كانت مقيمة في أحد المستشفيات لفترة، ولما سألتها صاحبيتها كيف قضيتي وقتك في المستشفى، جاوبتها انه ما كان في حدا مهون علي وحدتي في المستشفى غير صفحة عمر زوربا، هو إلي خلاني أنسى كل إلي أنا فيه، بصراحة تأثرت كثير لما البنت خبرتني في رسالة عن إلي صار مع صاحبيتها وكنت سعيد لأني حسيت كل إلي بكتبه على الفيسبوك له أثر ايجابي على الناس وبخفف عنهم بعض الظروف الصعبه إلي بيعيشوها'.

لماذا لم تتجه لإسلوب فيديوهات الستاندب كوميدي؟
'لأنه في كثير ناس عملت هالشغله ونجحوا فيها، وأنا شايف حالي ناجح في الكتابة، ولا يخلى الأمر من بعض العروض عشان أقدم فيديوهات لكن لحد الآن ما حدا أقنعني لأنه بطل في جديد في هذا المجال وصار فيه تكرار، وأنا لو بدي أعمل فيديو بعمل فيديو بسيط بصوره لحالي في البيت بدون مخرج أو منتج، يعني مثلا عملت مرة فيديو عن ملكة جمال الأردن ونجح وعجب الناس كثير لأنه كان بسيط وطبيعي ما منه أي مقصد ربحي أو مادي فكان أكثر مصداقية بالنسبة للناس وتفاعلوا معاه وحبوه'.

كيف تتعامل مع الانتقادات؟
'أي حدا بنتقدني ما برد عليه، أحسن لأنه أنا مش كاتب ولا فنان، أنا بني آدم عادي زي كل هالناس إلي على الفيسبوك، بكتب بالعامي وليس فصحى فما في داعي حدا يحكيلي كلماتك ركيكه لأنه أنا اصلا ما بكتب بالفصحى، أو مثلا في ناس بتحكيلي انت زنخ، طيب ليش متابعني اذا انا زنخ؟'.

بشكل عام.. الشباب الأردني إلى أين؟
'الشباب الأردني كله رايح رحلة ومش عارف متى راجع وأنا معاهم أكيد وتاركين كل الأشياء على التساهيل، لأنه الوضع العام وخاصة الاقتصادي من سيء لأسوء، يعني الشب لما يكون عمره 30 سنة وراتبه 300 دينار كيف بده يعيش وكيف بده يتجوز ويعمل عائلة؟'.

كلمة لمتابعيك على فيسبوك عبر 'جراسا نيوز':
'بشكرهم جزيل الشكر، هم إلي عملوني، وهم إلي من خلالهم صارت الناس تعرفني وصرت محبوب وأنا لولاهم ما وصلت للي وصلتله، وبخص بالشكر صديقي قسام درويش لأنه صديقي المقرب من قبل الفيسبوك وهو صديق حقيقي بفتخر فيه'.

المصدر : المنتدى التعاضدي بالمغرب - من قسم : العلوم التاريخية و الحضارية



جديد قسم : العلوم التاريخية و الحضارية

Up

RSS RSS 2.0 XML MAP HTML