العودة   المنتدى التعاضدي بالمغرب > منتديات أدبية و ثقافية > قصص و روايات
 

قصص و روايات القصص .الروايات الرومانسية . الروايات الخيالية .الروايات الطويلة. القصص الحزينة . القصص الشعبية .القصص الطريفة .القصص القصيرة,القصص الطويلة,قصص الاعضاء,الروايات.قصص حب,قصص واقعية.قصص اسلامية,قصص عبرة,طرائف القصص,روايات وقصص جاهزة.قصص هادفة.اشهر القصص والروايات,روايات عالمية

روايه انتقام بويه , روايات بويه , روايه بويه , روايه انتقام بويه كامله

قصص و روايات

روايه, انتقام, بويه, روايات, بويه, روايه, بويه, روايه, انتقام, بويه, كامله

إضافة رد
 
أدوات الموضوع انواع عرض الموضوع
  #1  
قديم 01-23-2017, 02:26 AM
أم طارق أم طارق غير متواجد حالياً
 
تاريخ التسجيل: Apr 2011
العمر: 37
المشاركات: 27,528
معدل تقييم المستوى: 35
أم طارق is on a distinguished road
افتراضي روايه انتقام بويه , روايات بويه , روايه بويه , روايه انتقام بويه كامله

روايه انتقام بويه , روايات بويه , روايه بويه , روايه انتقام بويه كامله





تدرون شنو احلا شعور ؟
لمن احد يفهمج من نبره الصوت, لمن ترتبكين وانتي تكلمين هالشخص ! وبنفس الوقت تحسين براحه نفسيه وجسديه وعقليه!
ما اتكلم عن رفيجتي لمن تحس فيني ! لالالا الي اتكلم عنه شي ثاني
اتكلم عن شي اكبر من قلب أي بنت !
اتكلم عن شعور حلو ومر بنفس الوقت
عن ريال يوقف يمج لكونج انتي ! يحبج لشخصيتج! ما يحبج لشهواته الحيوانيه 
يخاف عليج وما يتخلى عنج مهما صار !!
غلطتي ؟ ما تخافين تصارحينه, تحبين تسمعين رايه بالموضوع
خبرته تفوق خبرتج
يفهم باشياء انتي ما اكتشفتيها لي الحين
يتكلم عن مواضيع اول مره تسمعينها بحياتج , تسمعينه وتستفيدين منه !
تقاطعينه باسالتج البريئه "شلون يعني" وبعد سوالج يبدا يتعمق بسوالفه
يسولف لج عن اشياء ولا مره جربتيها , عن اشياء ودج تسوينها !
بصوت حماسي "وناااسه ابي اجرب " ......!!
"نطري بس تصيرين حلالي وستر امي ما اخلي شي بخاطرج"
اخيه شنو شعور حلو!
شنو تحسين انج مرتاحه ! بتعيشين معاه ايام حلوه
تزعلين عليه ويقص عليج بكلمتين وتردين احسن من اول > لحد ينكر ههههههههه
تشوفين نفسج كبيره !! وانتي بنظره طفله


الساعه 02;30 AM
منخشه بفراشها , من صغرها مو باينه
مغطيه راسها , الغرفه بااارده
صوت همسها
بدلع طفولي :اووووف خلاص عاد
: ابجي بعد
:لا تنرفزني
: انتي تتنرفزين بسرعه انا ما جذبت
: خلاص زين لا تقول ياهل
: ياهل
: مرح ارد عليك زين
: .........
ثواني من الصمت
:شفيك؟
:مافيني
: بلا شتفكر فيه
: بشياء وايد
: قول خل اشاركك التفكير
: تحبيني ؟
: هذا الي تفكر فيه ؟
: جاوبي
: امممم
: اذا ما صرنا لبعض ؟
: .......
: شفيج سكتي
: اذا ما صرنا لبعض هذا مو بيدي ! هذا بيدك انت
: شكو بيدي! اهلج مو اهلي !
: يعني تبيني اذا رفضو انزل لهم اقول زوجوني ؟!!
: ليش يرفضوون؟؟؟ انا جايج بشهادتي ! و من عايله معروفه والنعم فيها وابوي ........ ! يعني مو ناقصني شي
: جم مره اقولك ماله شغل كل هذا
: ها عيل
: انا ....... وانت ....... وللاسف ما نزوج من برا بس اذا صار استثناء >< وهذا نادر
: .........................
: ............
: محد راح ياخذج غيري

: .............
: محد راح يجيسج غير يوسف ! تسمعين ولالا؟
: اسمع :$
: الحين تستانس
: هههههههههه كيفي
يوسف : يلا هانت بس نخلص هالكم شهر وتصيرين حقي مقي
: ان شالله :$
يوسف : شنو بلعب فيج لعععب
^
لو بنتم معاهم مرح نخلص من سوالفهم موضوع ورا موضوع ليمن تطلع الشمس
على هالموال يوميا

الساعه 06:15

يوسف : يلا صارت الساعه 6 قومي لبسي
: وكالعاده ما مداني انام 
يوسف : حاصلج اصلا تسهرين على صوتي
: جب جب الحين اروح وانام بالحصه
يوسف : ايه وانا اكبر المخده وانااااااام > ينررررفز لمن يتكلم
: يااااكرهي )":
يوسف : ههههههههه زين غيبي
: أي تعال كلم امي الحين قولها تغيبني ! ما ترضى
يوسف : خلاص عيل قومي غسلي ويهج وخلي الخدامه تييب لج قهوتج كالعاده وراح تصحصحين ان شالله
: ان شالله ): يلا خل اسكر قبل لا تقوم امي
يوسف : ديري بالج على نفسج
: ان شالله ونوم العوافي
يوسف : يعافيج


^
تسكر فونها وتتمغط على السرير وتغمض عيونها *تفكر*
< ينفتح باب الغرفه
: امااااني يلا قووووم
اماني بنرفزه : قاااعده !! ومره ثانيه طقي الباب
: شلون طقي باب انتي نايم
اماني : خلاص عيل تبطلينه شوي شوي , سوي لي قهوه تركيه بسرعه
^
^
ما عطتها فرصه حتى تفكر بسوالف يوسف الي اشتاقت له بعد دقايق من انتهاء المكالمه
تقوم من فراشها زححححف للحمام *كرمكم الله*
بعد 10 دقايق تطلع من الحمام لافه على نفسها الروب وتاخذ قهوتها وتدخل الغرفه تبدل


بعد تجهيزات اماني للمدرسه نزلت وركبت السياره
......................
......................
مدرسه الـ........... ثانويه للبنات
دخلت اماني المدرسه والابتسامه باينه على ويها
كالعاده تجاهلت الطابور الصباحي وراحت صفها وبعد ما خلص الطابور خذت جنطتها بسرعه وطلعت من الصف طقت لها فره بالمدرسه ودخلت بنص الحصه الاولى
< فتحت الباب و بنظرات مريبه بالنسبه للابله *انجليزي*
ابتسمت لرفيجاتها بنهايه الصف ابتسامه شقاقيه ولفت يسار وثبتت جنطتها على الكرسي وحطت راسها تبي تنام

ابله كوثر : اماني !!
اماني ما ردت على الابله
ابله كوثر : يعني قايه متاخره ! وبردو نايمه !
..............
ابله كوثر : اماني ارفعي راسك انا بكلمك
ترفع راسها اماني بهدوء وتطالع الابله بنظره ال*شتبين*
ابله كوثر : اسندي ظهرك وانتبهي
اماني : شفيج ابله يالله صباح خير
< تنقز رفيجتها نوره من ورا
مها : ابله لا تخربين مزاجها شكلها جايه مواصله ههههههه
اماني : هههههه أي والله ابله تعبانه
انوار بصوت واطي ما تسمعه الابله : من شغل بليل اكيد بتتعب
اماني : هههههههههه جب
ابله كوثر : نوم بالصحه مش حئبل ! يا اما توخرقي برا للاخصائيه
^
اماني فيها نوم و بمزاج عالي ماتبي الابله تخربه
ردت حطت راسها على الطاوله ونامت وخلت الابله تقرق مع نفسها
بعد الحصه الاولى طلعت الابله من الصف
تجمعو انوار ومها حول اماني وقوموها من نومها
مها : قولي قولي شعندج
اماني : اااااااااخخ احبه احبه
< فطوم وقاعده ورا اماني بالكرسه
دزت كرسيها وقالت : يجيب الله واحد مثل يوسف
اماني : ماااافي لا مااافي
انوار: البنت عشقانه خلوها
مها : الحين خلو عنكم السوالف قومو نطق لنا فره قبل لاتجي الابله
اماني : روحو انا بكمل نومتي والله مو نايمه طول الليل
فاطمه : احسن
اماني تحرها : كل شي يهووون لعيون يوسف
انوار تسحب مها : اقول امشي امشي مامنهم فايده
^
طلعو من الحصه وردت اماني كملت نومها
مر اليوم كالعاده
سوالف من هني وسوالف من هناك
ضحك وغشمره بين اماني ورفيجاتها
لي نهايه الدوام
رن الجرس يعلن نهايه اليوم الدراسي

انوار : ااااااخخ الخميسس واخيرا
اماني : انا اشهد واخيييرا
انوار : ناطره يجي الخميس ابي اروح للفلم قبل لا ينتهي العرض ):
اماني : من صجج تنطرين الخميس عشان تروحين السينما !!
انوار : أي :#
اماني : والله لو شنو !
انوار : جب الحين تقعد تحرني ! امي حاكرتني حكره ليمن تخلص امتحاناتنا
اماني : امتحانات قصيره !!
انوار : أي امي جذي يعني ما تعرفينها بالله !
اماني : لا والله الا اعرفها اكثر منج !
انوار : زين امشي فضت المدرسه واحنا ما طلعنا
اماني : يلاج ايه
بعد ما وصلت اماني بيتهم
قطت جنطتها عند باب االبيت وفصختت جوتيها ودلاغها وانتو بكرامه وصعدت فوق
اماني : السلاام عليكم
ام اماني : وعليكم السلام ها شلون الامتحان
اماني : الحمدلله سهل
< تتكلم واهي تمشي لغرفتها
دخلت الغرفه : يمااا انا بنام لحد يقعدني
ام اماني : ماتبين غدا ؟
اماني : لاا ماابي
فصخت ملابسها وقطت راسها على الفراش وسحبت الفون من الدررج ودزت مسج حق يوسف
*انا وصلت البيت وبنام اكلمك بليل اذا قعدت*
وحطت راسها ونامت نوووم عمييييق تريح فيه نفسها وجسمها


الساعه 07;40 العشا
بطلت عيونها اماني بكل كسل
تمغطت شوي شوي ومدت ايدها بالدرج وطلعت فونها
بطلته
*يالفطيسه كل هذا نوم قومي لا اهد الجلب عليج*
حطت ايدها فوق راسها وبدت تسرح بخيالها كالعاده
بعد فتره وبعد ما استعاده نشاطها
سحبت نفسها من السرير وطلعت من الغرفه للحمام
طلعت من الحمام وصادفت مشاري *اخوها الكبير*
مشاري : تعالي تعالي خل اشيلج
اماني :لا مشكور مابي
مشاري : يلا عاد تعالي
اماني : مشاري والله مالي خلق توني قاعده من النوم وخر بروح............> ماكملت كلامها
سحبها مشاري وشالها وتمشى فيها بالبيت
واهي تحرك ريولها وتحاول تنزل مو قادره
اماني : مشاري نزلني يالسخيف قلت لك ماابي
مشاري : انتي جم وزنج
اماني : نزلني واقولك !
مشاري : والله خفيفه !
اماني تدزه : اووفي اكرهك نززلني
مشاري : زين زين بنزلج
__
ينزلها على القنفات وتوقف بسرعه وتدزه وتروح عنه واهي تتحلطم
اماني : مسوي نفسك قوي يعنني انا الي اقدر اشيلج
مشاري : ماقلتي لي ججم وزنج
اماني : مو شغلك > وتسكر باب غرفتها
__
تاخذ فونها وتدق على يوسف
رد يوسف من ثاني رنه
يوسف : هلا حياتي
اماني *ماده البوز* : هلا
يوسف : اوخ شفيج مبوزه كل هذا عشان ما نمتي لي باجر ؟؟
اماني : لا شكو بس نرفزني مشاري
يوسف : ليش شمسوي
اماني : توني طالعه من الحمام ولا يشيلني !
يوسف : زين ؟
اماني : بس
يوسف : أي شنو الي مضايقج بالموضوع؟
اماني : اني توني قاعده من النوم !!
يوسف : فديتها المبوزه انا كله تنفسين اول ما تقومين من النوم
اماني : أي ما احب احد يكلمني ! لازم اصحصح اول
يوسف : عيل الله يعيني عليج باجر لي تزوجتج
امماني : لا راح تتحمل ما عليك
يوسف : تعالي ما قلت لج
اماني : شنو قول
يوسف : طلبت جلب
اماني : مو من صجك
يوسف : جب جب اذا شفتيه بتعرفينه
اماني : ما احبهم زين شطاري عليك
يوسف : جذي بكشخ فيه :Pp بقز فيه بالبحر
اماني : العقل 
يوسف : انتي شتبين ها ؟ شتبين ؟
اماني : جب زين
يوسف : ههههههههه
اماني : انت وينك
يوسف : بسيارتي عند ديوانيه واحد من ربعي
اماني : وليش ما نزلت
يوسف : كنت نازل بس طلعت لمن دقيتي
اماني : اها , خلاص عيل انا اخليك
يوسف : شنو مرح تطلعين اليوم؟
اماني : ما ادري والله بروح اشوف امي من قعدت ما شفتها
يوسف : اوك واذا بتطلعين قولي لي
اماني : ان شالله

اماني عمرها 16 سنه مواليد 97
خريجه لها اخر سنه بالثنوي وداخله المدرسه مبجر فتعتبر اصغر وحده بالدفعه
وزنها 52 طولها 161 حنطاويه
شعرها لي نص ضهرها لونه اسود بس مع اضاءه الشمس يصير بني > شعرها فاتح
شفايفها لبنانيه مثل ما يقولون
عيونها طبيعيه بس نظراتها حاده و تجذب > بالذات لا رمشت رمشتين ورا بعض
حنجها منحوت بشكل حلو
عندها طبع الحسن بحنجها > الغمازه الي بالحنج مادري شنو تسمونها
عندها 3 خوان مشاري يدرس هندسه
عمر بالمتوسط و عثمان بالابتدائي
يوسف عمره 22 يدرس بجامعه مشاري AUM > جامعه امريكيه بالكويت
تخصصه هندسه كيميائيه
حنطاوي طوله 179 طوييل بالنسبه لاماني
رياضي و بطل بالجودو > يسافر ينافس انديه برا الكويت
معضل بشكل حلو
لحيته ديرتي بطريقه تدوخ
علاقه اماني بيوسف شوي غريبه
بينهم صراحه وغشمره ما تصير بين الاحباب ! حتى الازواج
علاقتهم استثنائيه
يحبون بعض و ما يشيلون بخاطرهم على بعض !
يوسف مجنون ب اماني و بشخصيتها الطبيعيه والبعيده عن التصنع
اماني تعتبر نفس الطفله اليتيمه الي لقت شبيه لامها
يوسف يعتبر اخوها امها ابوها رفيجتها بعدين حبيبها !


__________________
رد مع اقتباس
إضافة رد

مواقع النشر (المفضلة)

الكلمات الدلالية (Tags)
روايه, انتقام, بويه, روايات, بويه, روايه, بويه, روايه, انتقام, بويه, كامله

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موضة الصيف توجه الأنظار إلى الأكتاف samira لايف ستايل 0 04-15-2016 11:55 PM
بعض النصائح لإطلالة بوجه مشرق sara5 عالم الأزياء و الموضة 0 08-25-2015 09:29 AM
روايه سعوديه 2016, روايات رومنسيه 2017 , روايه حضنته لين خالطت انفاسي بأنفاسه أم طارق قصص و روايات 0 06-15-2015 03:32 AM
لمن توجه الاستقالة من مجلس التدبير ؟ سومية رشيدي التشريع الإداري و التسيير التربوي 0 12-04-2013 04:27 PM
كيف تستيقظين بوجه أكثر نضارة وجمال marwati منوعات 0 08-12-2013 04:28 PM


الساعة الآن حسب التوقيت المغربي 11:28 PM

Rss  Rss 2.0 Html  Xml Sitemap  



Powered by vBulletin
Copyright ©2000 - 2010, Jelsoft Enterprises Ltd