تسجيل جديد

أنا إنسان إنطوائي ....

السلام عليكم ورحمة الله وبركاته قررت ليوم بش نطرح مشكلتي ، إلي هي نفسانية بلاساس فماش ما نلقى نصيحة ولا مساعدة وللنقاش خاصة أنو هذا القسم يعجبني فالمنتدى رغم مشاركاتي

السعادة الزوجية>أنا إنسان إنطوائي ....
sara5 05:24 PM 01-19-2013
أنا , إنسان , إنطوائي , ....

أنا إنسان إنطوائي ....

السلام عليكم ورحمة الله وبركاته
قررت ليوم بش نطرح مشكلتي ، إلي هي نفسانية بلاساس فماش ما نلقى نصيحة ولا مساعدة وللنقاش خاصة أنو هذا القسم يعجبني فالمنتدى رغم مشاركاتي القليلة فيه ولي ثقة في اعضائه..
على كل.....أنا تربيت عاقل ..بابا وأمي حرصوا على الاعتناء بي باعتباري الأبن البكر
كيف كنت في الإبتدائي أمي توصلني كل يوم وتجيبني... علموني منخالطش ألي يجي ..منحكيش مع ألي يجي ..منقربش من مجموعة فيها كلوشارات.. و إذا كان فما كلوشارات في القسم بابا يحكي معاهم من أول ألسنة الدراسية على أساس عدم الاقتراب مني وعدم مخالطتي (ميتبولدوش علي بالعربي ) ووصل إلى درجة يشريهم بالفلوس ساعات .

علموني أنو لازم كي يكلمني حد منعرفوش في الشارع نخليه ونمشي ، كان حد حب يشري معايا مشكلة كيف كيف ، رباوني بسياسة الخوف ، نخاف من كل شي، أذا باش يكون عندي صاحب لازم يكون بابا وأمي يعرفوه ويعرفوا بوه وامو ودارهم وعايلتهم وتاريخهم الكل ، وإذا حدث واعجبهم علاقتي بيه لازمها تكون في المدرسة وفي الدار فقط ، معناها كان نحب نشوفو لازم يجيني للدار والا العكس ، أما الشارع مايخلونيش يخافوا علي وكان خرجت لازمني نخرج في النهار ، الليل مستحيل ، وحتى كي نخرج في النهار عندي حد معين متع ساعة ولا زوز والويل إذا نفوت الحد

خلاصة القول ، نهار الكل نعديه في الدار نتفرج على التلفزة واذا نحب نفرهد روحي لازمني نكلم صاحبي يجني نلعبوا لعبة ثقافية ولا نقعد نستنى حتى لين يخرجوني هوما
الفرجة في التلفزة سببتلي نقص النظر ... ملي أنا صغير نلبس نظارات
القعدة في الدار سببتلي مرض حساسية ضد الغبرة ..ألي على خاطروا منع علي الأطباء ممارسة الرياضة بجميع انواعها
النتيجة : طلعت انسان إنطوائي ..معنديش أصحاب.. منحبش الجو ومانيش صاحب قعدة ..نفد فيسع .. كي نخرج نقلق ،كي نقعد في الدار نقلق، كي نقرا نقلق
منلقاش روحي في بعث المواقف .. في حالة الوقوع في ورطة أو في مشكلة مثلاً منعرفش ندافع على روحي

شنوة رايكم في تربية كيما هكا ؟؟ أنا قعدتلي غصة في قلبي كيف نشوف صحابي ونشوف روحي نلوم على بابا وأمي يقولولي ولا العيب فينا احنا على خاطر خفنا عليك و ربيناك على تربية واخلاق... كيفاش انجم نتعدى العقدة النفسية إلي ولات عندي ؟ كيفاش نصلح روحي ?
و شنوا رايكم في الخوف المبالغ فيه في تربية الطفل ؟

المصدر : المنتدى التعاضدي بالمغرب - من قسم : السعادة الزوجية



جديد قسم : السعادة الزوجية

Up

RSS RSS 2.0 XML MAP HTML